Apesar di e (kolektivo) ambishon pa traha algu bunita for di algu i bon preparashon – un proyekto i/òf aktividat por resultá diferente di loke a plania òf spera. Den hopi kaso, no a hasi erornan evitabel òf kulpabel i e resultado originalmente deseá sinembargo no a wòrdu alkansá. Si hende siña di dje i e eksperensianan di siñamentu ei ta wòrdu kompartí, despues nos ta papia di un Frakaso Briante.

Dor di firma e derecho di Fail Brilliantly bo ta rekonosé ku esaki ta e base pa seguridat sikológiko i evolushon personal i organisatorio, i asina por pordoná, pone kosnan den perspektiva i siña for di intentonan frakasá tantu na nivel individual komo organisatorio. Ademas, bo ta rekonosé ku kada individuo i kada órgano, ku e deklarashon aki firmemente den mente, lo hasi esfuerso pa promové apresio pa e derechonan i libertatnan aki, i, pa medio di medidanan progresivo, pa garantisá ku e derechonan aki ta wòrdu rekonosé i apliká generalmente i efektivamente.

Bo tin derecho di proteha bo bon nomber.

Bo tin derecho riba seguridat sikológiko i evolushon personal.

Bo tin derecho di purba.

Tur hende tin derecho di pordona, pone kosnan den perspektiva i siña for di intentonan frakasá.

E Derecho di Frakasá Briantemente ta konta pa ken ku bo ta, den kua(e) kapa òf órgano den sosiedat.