Selebrando Frakasonan Briante
Harvard Business Review ougùstùs 2007: Tur biahe tin erornan, i organisashonnan mester siña inkorporá nan den e proseso i siña di nan…
Nos a tene dos sena e primavera aki, un na New York i un na London, ku a reuní ehekutivonan, outornan, akadémikonan, i otronan pa papia tokante e tópiko di “Liderando pa Inovashon” esei lo ta e enfoke di nos konferensia di Preguntanan Ardiente ku lo tuma lugá na òktober.
Na tur dos sena, tabatin hopi diskushon tokante e ròl di frakaso den inovashon. Tur biahe tin erornan, i organisashonnan mester siña inkorporá nan den e proseso i siña di nan. E konklushon general tabata ku kompanianan ainda ta hasi un mal trabou di rekonosé i rekompensá e ‘fayonan inteligente aki’ komo parti di e proseso di inovashon.
Nos a keda enkurashá di haña sa ku un kompania ta tumando pasonan den e bon direkshon. Paul Iske, hefe di konosementu i un vise presidente haltu na ABN AMRO, a kompartí ku nos nan konsepto di e Instituto di Frakasonan Briante ku lo destaká e importansia di eksperimentashon i frakaso den progreso den inovashon. Miéntras ku ainda ta den desaroyo, e proyekto aki pronto lo konsistí di un wèpsait i otro material den un variedat di medionan ku lo rekonosé inovadónan ora nan tin éksito i ora nan frakasá.
